मारोती अक्कलवाडड पा. सवनेकर
जिल्हा संपादक, नांदेड
दिनांक-
06 आॅगस्ट 2025
संबंध महाराष्ट्रात 1 ऑगस्ट ते 7 ऑगष्ट हा आठवडा महसूल सप्ताह म्हणून अतिशय उत्साहात राबवल्या जात आहेत. महसूल विभागामार्फत वेगवेगळे उपक्रम राबवण्यात येत आहेत.
मौजे सिरंजनी ता. हिमायतनगर जि. नांदेड येथे उपविभागीय अधिकारी श्री अविनाशजी कांबळे व हिमायतनगरच्या तहसीलदार तथा तालुका दंडाधिकारी श्रीमती पल्लवी टेमकर मॅडम यांच्या हस्ते वृक्षारोपण चा कार्यक्रम संपन्न झाला.
जागतिक तापमानातील वाढीमुळे व हवामान बदलामुळे पृथ्वीवरील मानवाचं, सजीवांचं अस्तित्व धोक्यात आलं आहे. वाढती लोकसंख्या, वाहनांचा अति वापर, त्यामुळे निर्माण होणाऱ्या प्रदूषणामुळे शहरात श्वास घेणं कठीण झालंय. शुद्ध हवा, ऑक्सिजन पाहिजे असेल तर झाडांशिवाय पर्याय नाही. वृक्ष आपल्याला फक्त पाने, फुलेच देत नाहीत, तर आपल्याला जगण्याची ऊर्जा देतात. नवी आशा देतात. उमेद देतात. म्हणूनच….. वृक्षसंवर्धन काळाची गरज आहे. वृक्षारोपण करून त्यांचे संवर्धन करा असे मत उपविभागीय अधिकारी अविनाशजी कांबळे यांनी व्यक्त केले.
पृथ्वीवरील वने, माती, हवा, पाणी व जैवविविधता यांसह सर्व नैसर्गिक संसाधनांचा काळजीपूर्वक वापर करणे, तसेच पुढील पिढय़ांसाठी त्यांचे संवर्धन करणे, मानवनिर्मित कृतीमुळे पृथ्वीवर होणारे प्रदूषण व पर्यावरणाची नासाडी रोखणे किंवा त्याला आळा घालणे. याविषयी जनजागृती घडवून आणण्यासाठी मोठय़ा प्रमाणात जनजागृती होण्याची गरज आहे.- श्रीमती पल्लवी टेमकर, तहसीलदार हिमायतनगर
कार्यक्रमाला अध्यक्ष म्हणून पवन करेवाड सिरंजनीकर, नायब तहसीलदार पंगे साहेब हिमायतनगर मंडळचे मंडळ अधिकारी चव्हा
ण साहेब, हिमायतनगर सज्जाचे तलाठी पुरी साहेब, सिरंजनी सज्जाचे तलाठी शेख साहेब,
पळसपूर सज्जाचे तलाठी सब्बनवार साहेब विशाल शेवाळकर तसेच सिरंजनी हिमायतनगर शिवारातील शेतकरी उपस्थित होते.
