सर्व B.L.O. ना अभियान यशस्वी करण्याचे आवाहन,*
भूमीराजा प्रतिनिधी/संतोष मोरे
बाळापूर : निवडणूक आयोगाच्या निर्देशानुसार तहसीलमध्ये मतदार यादीच्या विशेष सखोल पुनरावलोकन (Special Intensive Revision – SIR) प्रक्रियेच्या तयारीला वेग आला आहे. आयोगाने जारी केलेल्या पत्र क्रमांक 23/2026-ई.आर.एस. (खंड-I) दिनांक 19 फेब्रुवारी 2026 नुसार सर्व संबंधित राज्ये व केंद्रशासित प्रदेशांच्या मुख्य निवडणूक अधिकाऱ्यांना आवश्यक तयारी वेळेत पूर्ण करण्याचे निर्देश देण्यात आले आहेत. याशिवाय 27 ऑक्टोबर 2025 रोजी आयोगाने 12 राज्ये व केंद्रशासित प्रदेशांमध्ये या विशेष पुनरावलोकन अभियानाची औपचारिक घोषणा केली होती, जी सध्या सुरू आहे.
*आयोगाच्या माहितीनुसार ज्या राज्ये व केंद्रशासित प्रदेशांमध्ये ही प्रक्रिया अद्याप सुरू व्हायची आहे, तेथे एप्रिल 2026 पासून विशेष सखोल पुनरावलोकन (SIR) सुरू होण्याची शक्यता आहे. या पार्श्वभूमीवर बाळापूर तहसीलमध्येही मतदार यादी अद्ययावत व त्रुटीमुक्त करण्यासाठी प्रशासनिक स्तरावर तयारी वेगाने सुरू करण्यात आली आहे. यासंदर्भात जारी करण्यात आलेल्या निर्देशांनुसार बाळापूर तहसीलमधील सर्व बूथ लेव्हल अधिकारी (BLO) यांनी मतदारांना आवाहन केले आहे की त्यांनी जबाबदारीने आणि समन्वयाने या अभियानाला सहकार्य करून ते यशस्वी करावे.*
निवडणूक आयोगाचे सचिव पवन दिवाण यांनी जारी केलेल्या पत्रात नमूद करण्यात आले आहे की मतदार यादीची शुद्धता, पारदर्शकता आणि अद्ययावतता सुनिश्चित करण्यासाठी हे विशेष सखोल पुनरावलोकन अत्यंत महत्त्वाचे आहे. त्यामुळे सर्व संबंधित अधिकारी व कर्मचाऱ्यांनी वेळेत आवश्यक कार्य पूर्ण करून हे अभियान यशस्वी करण्याची अपेक्षा व्यक्त करण्यात आली आहे.
